內房老總掂過核電
近期日本嘅核危機令周圍啲人人心惶惶，搞到唔少香港以至內地居民都驚輻射洩漏，擔心食物受輻射污染，係咁搶購，但遠洋地產總裁李明尋日喺記者會之後同大家講唔使擔心，相信今次日本核危機唔會影響到中國嘅！
太子就好奇怪，明明遠地搞緊內地房地產，點解李總咁有信心話輻射唔會對中國有影響呢？李總話，原來早喺十幾年前，佢就喺大亞灣核電廠入面做過運輸項目經理，唔怪之得佢有咁嘅見解啦，至於問佢又點睇呢次日本嘅核危機，李總就話唔想作評論喇！
與南豐密切合作
早前入股的南豐集團，李總話，之前都有同南豐合作發展項目，關係就同遠地同另一個股東國壽（02628）一樣，合作都係好密切。佢又話，嚟緊如果有啲項目佢哋有興趣，都會同南豐一齊研究咁話！