參觀瓏璽送紀念郵票
內地豪客成本港豪宅新盤的主力吸納客源，新地（00016）近排積極部署開售嘅西南九龍瓏璽，發展商尋日起率先開放設於深圳福田的大型展覽館，仲特別同香港郵政合作，耗資60萬至70萬元印製1,888套瓏璽紀念版郵票，給予首1,888名參觀深圳展覽館人士作紀念，再創本港新盤吸客招數先河。
立體短片介紹新盤
除了派紀念郵票鎖住內地豪客歡心之外，新地今次仲耗資近500萬元，拍攝一套約八分鐘嘅立體短片，放喺展覽館內播放，透過短片向參觀者立體「晒冷」，介紹新地眾多地標物業發展威水史，當然唔少得推介瓏璽嘅設計理念等賣點。