太子手記：山西豪婚酒店跨省到會
內地富豪數量與日俱增，太子周不時睇到有內地富豪啲豪門夜宴有幾巴閉。最近又聽到一單，就係由酒店安排200名員工搭足十二個鐘頭車，成就呢個前後共四日嘅豪華婚宴。
東方君悅獲獎無數
喺舊年有位山西富戶要搞婚宴，酒店動用六部旅遊巴，同埋六部貨車，將200名員工同埋需要嘅物資，直駛去山西。負責呢次宴會嘅酒店，就係坐落北京東方廣場入面嘅北京東方君悅大酒店，東方廣場嘅業主就係長實（00001）。
據講呢次酒店「揮軍南下」，共招待1,000名貴賓，每位收費約6,500元（人民幣．下同），即係成個婚禮總值約650萬元。酒店開業十年獲獎無數，被評為「北京最佳商務酒店」、「中國百佳酒店」及「亞洲最佳25家會議酒店」等殊榮。
有服務咁好嘅酒店駐喺東方廣場，長實副董事總經理甘慶林應該好高興。