恒生落重本冧中小企
經濟勢頭好，銀行都爭住做中小企生意，一向態度積極嘅恒生（00011）就有新搞作，擴充咗佢哋中環總行嘅商務理財中心，提供貿易融資、營商方案諮詢等服務，實行繼續投放資源搶佔中小企生意。
左玫升職大展拳腳
恒生為擴充搞咗個酒會，主持嘅除咗企業及商業銀行業務主管陳力生外，仲有剛「紮職」嘅商務理財業務總監左玫（Rose）。Rose剛啱喺二月先上任新職位，之前就擔任高級執行副總裁兼商業銀行業務副主管，今次擴充開幕可謂Rose嘅「頭炮」活動。
今次恒生就將總行六樓嘅後勤辦公室搬走，改為提供商務理財服務，等客戶可以喺更寬敞舒適嘅環境享受服務。
