世達新科技測員工情緒
世達科技（01282）係少有嘅港人創辦科技公司，盈利唔錯又成功上市。太子尋日見到公司主席王國芳，問到近排內地民工荒，富士康（02038）員工又壓力大到接連跳樓，問佢驚唔驚？
工作效率判斷健康情況
Kelvin（王洋名）話佢公司喺廣東鶴山市個廠房，自設咗一套「員工情緒波動預報系統」，係監測住每條生產線上每名員工每段時間嘅工序生產效率，發現某員工生產效率急升或急跌，就可以反映出呢位員工可能有情緒或者健康問題，公司可以即時派專人跟進。
佢就話佢公司產品margin較高，可承受較高人工，廠房附近咁多廠，唔夠人就去周圍挖角。Kelvin過去响東莞收購好多做唔住廠房嘅機器，提升自己嘅生產線。
王國芳指唔夠人就周圍挖角。