市場徐想：中交建向8元進發
上星期，剛剛出席咗中交建（01800）嘅業績發布會，盈利升咗30%，超晒標，成交亦都突然間「動起來」，價升量增，必定要留意。
中交建過去表現令人失望，由金融海嘯計高位回落到依家，跌幅超過70%，一直喺低位徘徊，隨住業績回勇，加上主席話今年嘅策略係強化高端客戶，穩定中端客戶同放棄毛利貢獻比較少嘅低端客戶，其實咁樣做亦都符合策略管理嘅理念，可以慢慢將企業嘅毛利率提升。
另外，回歸A股成為咗今年嘅一個投資激發點，回歸A股概念近排又再一次火熱，隨住中交建發行唔多過35億股A股，加上以換股方式合併路橋集團，為未來嘅發展鋪路，似乎中交建已經慢慢由沉睡中甦醒，回勇可期。如果過多幾日都企穩7元樓上，可以8元做第一個目標。