花旗盧韋柏3招抗脹
出名精明嘅花旗香港環球及個人銀行服務行政總裁及總經理盧韋柏（Weber），就抗脹畀咗三大貼士，可考慮從貨幣、債券及資源着手。
人仔坐享升值潛力
Weber話，大家都睇好人民幣升值前景，持有「人仔」坐享升值潛力，同埋收取「人仔」存款較高嘅息率。舊年「人仔」升值咗3.5%，花旗「人仔」一年期定存就有0.865%利息。
債券定期派發利息，可對回報早作預算，Weber話本地公司或環球性金融機構嘅企業債券，喺息率同風險皆有可取之處。
Weber亦看好「鉑」前景，但要考慮持有實物還是「紙白金」。所謂「鉑」即係俗稱嘅白金，可以用喺首飾或電子儀器之中，同金、白銀等屬於貴金屬。
Weber睇好人民幣升值前景。（資料圖片）