極速短炒王：寧要波幅

港股今日正式「加鐘」，正所謂「密食當三番」，散戶能否因為「加鐘」炒多兩轉而賺多啲？大家不妨細聽以下兩位散戶高手的意見。

交易量未必大增

有「元朗股神」稱號的資深散戶曾錦安表示，自己隨身攜帶股票機，所以港股提早開市對他無影響。

曾錦安認同「加鐘」是順應國際股市交易時間標準，但就不認同延長買賣時間會令港交所及散戶的收入同步增加。以賽馬為例，本來一日有10場賽事，後來增加至12場，馬迷的投注額可能會輕微增加，但大部分馬迷會認為：「反正多了2場賽事，可以遲啲先至入場買馬，即交易次數唔一定會大增！」

有「極速短炒王」之稱的散戶李國淳稱，自己炒股是很短線，目前每日出入大概合共15轉，盡可能做到每日不持貨過夜。港股「加鐘」不代表會好炒，如果市況無波幅而成交又少，加多二十個鐘都無用。平時李國淳早上九時就到證券行準備十時開市，加時後就要八時半去到證券行。

散戶在加時下有何炒股策略？曾錦安表示，他通常會在早上十時半至十一時，以及收市前半個鐘做好買盤，趁波幅足夠時去執平貨。

李國淳則稱，他主力炒細價股，如在某個時段看到入市機會，就會即刻跟進，賺幾格即沽貨獲利。