連敬涵轉新工北上開拓
證券界轉工潮浪接浪，不久前羅尚沛（Eugene）過檔康宏，今期主角輪到連敬涵（Kingston）。原來Kingston喺本月一號已經靜悄悄離開僑豐證券，轉投富昌證券，擔任研究部總監一職，但由於轉牌還需時間，所以現在暫時用住獨立股評人身份。
流利普通話同聲同氣
Kingston原本喺僑豐擔任業務發展董事，佢話舊公司與新公司嘅工作性質基本上相似，但係預計返內地公幹嘅機會多咗，如在內地要做講座、研討會等，以期為新公司開拓內地業務。唔講唔知，原來Kingston喺北京出世，自細就講得一口流利嘅普通話，與內地同胞同聲同氣，所以「北上發展」完全冇難度，今次富昌真係請啱人！
本來係富昌證券代言人嘅總經理藺常念（藺Sir），就會喺本月底離開富昌，過檔一間投資公司。而Kingston同藺Sir私交甚深，雖然只做短時間嘅同事，但都應該好合拍啦。
連敬涵轉投富昌證券，擔任研究部總監一職。