散戶提早起身等開市
下周一開始港交所（00388）就會推行新交易時段，散戶樊小姐認為散戶有更多時間落盤，始終係件好事。樊小姐話佢上星期已經一早買定港交所股份，博佢受惠於交易時間延長有更好嘅業績。
雖然港股加時，散戶唔使好似證券業人士加時工作咁辛苦，但係生活習慣嘅改變就在所難免。樊小姐話，為咗開市前可以做足功課，下星期開始佢就要早一個鐘頭喺七點起身，亦會早啲落去證券行霸定位做準備。
食晏時間相應減少
以往晏晝出去食飯，佢都夠時間去等位飲吓茶，但係新時段實施之後，樊小姐都覺得第日同魚缸股友可以一齊飲茶嘅機會買少見少。