備戰加時：蔡秀虹搵定外賣等加時
港股下周開始加時，輪商提早開工兼加時工作。法興環球股票產品部策略師蔡秀虹（Eva）同太子講要將所有工作提前，同組嘅交易員仲七點幾就要返工，自己最遲八點要返到公司，可能會變咗開早餐會，邊食早餐邊傾窩輪。
點半開市要坐喺公司
佢仲話，好難估計整體返工時間會加長幾多，帳面睇就多咗一個鐘。唔知佢老闆會否見佢多咗嘢做，加佢人工呢？
Eva公司喺金鐘，遲啲午飯時間縮短咗，一點半開市就要坐喺公司，想過中環見客一定冇咁方便，佢打算改放工後Happy Hour同客人食晚飯，慢慢傾生意。
佢已準備好展開日日叫外賣嘅生活。Eva話好彩公司附近都幾多好嘢食。港交所一早已公布咗延長交易時段安排，法興都準備好晒網站資料更新嘅安排喇。
法興蔡秀虹話港股加時之後，工作時間至少多咗一個鐘。