黃德几二人世界遊埠掃貨
偷得浮生半日閒，太子尋日同金利豐證券研究部董事黃德几傾開，原來佢下個星期就會放個靚假，同老婆去美加玩番一個星期，探親之餘，仲會掃吓貨裝身，但係就唔會帶埋啱啱出世嘅B女，會留番喺香港畀人湊。咁咪係大好機會追番個仔，湊成個「好」字囉。
撞正名店OUTLET減價
話說黃德几嘅太座係做採購嘅，嚟緊會出差去美加做嘢，所以計劃順手抖番一個星期，黃德几就會過埋去一齊玩。據佢講，嗰個時間紐約唔少名店嘅「OUTLET」都做緊減價，係一個大好掃貨機會，整到靚靚仔仔返香港，今次仲會順道去加拿大探親。
最近黃德几真係人逢喜事精神爽，啱啱榮升老竇，老婆Eva仲誕下7.5磅重嘅健康B女，佢無特登攞大假陪老婆生仔，今次二人世界去遊埠等於補番數。
希望喺外地輕鬆氣氛之下，佢兩公婆可以好事成雙，快快趣趣生多個仔！