太子手記：李超人同股神眼光一致

「超人」李嘉誠與「股神」巴菲特，在商場上短兵相接！李嘉誠旗下嘅長江基建（01038）參與競購德資E.ON旗下英國電網業務之際，巴菲特旗下嘅MidAmerican Energy（中美能源），原來亦加入爭購，使這場電網資產爭奪戰，更加吸引市場注目。

競購英電網各有勝算

長建競購E.ON英國電網資產嘅消息，早於上月已經曝光，之前更曾有報道話，長建嘅兩個主要對手加拿大退休計劃投資局（CPPIB）與阿布扎比投資局，已經退出競投，外界估長建嘅勝算相當高。

不過，據《彭博》引述消息話，股神嘅中美能源及美國嘅電力投資巨頭PPL，原來亦分別參與今次嘅競購，今次競購資產估值，相信會達60億美元（約468億港元）。消息同時話，競購目前仍係處於初步階般。

今次雙方對英國電網業務嘅爭奪，正好反映兩大投資巨人，均看好能源事業嘅長遠發展，在今次競購之中，大家各有優勢，事關李嘉誠嘅長和系，早已是英國其中一個最大嘅外來投資者；而巴菲特嘅中美能源在英國亦有多年嘅投資經驗，再加上英國與美國傳統特殊關係嘅幫助，其勝算亦絕不容小覷。

另一方面，長江生命科技（00775）收購澳洲證券交易所上市嘅CWT，交易已經完成。CWT係一項單位信託及管理投資計劃，於澳洲及新西蘭持有葡萄園及相關之基本設施，成個交易的作價為3,308萬澳元（折合約2.6億港元）。