朱克伯格申禁狂迷騷擾
Fb（Facebook）創辦人朱克伯格可能風頭勁過龍，近期他成為部分人嘅狙擊對象，繼去年被人指控篡奪股權後，佢近日又被懷疑係病態狂迷騷擾，搞到佢要向法院申請禁令，阻止這位狂迷接近佢！
死纏求金錢援助
朱克伯格要動用法院禁令阻止狂迷埋身嘅消息，是由專門報道名人消息嘅美國八卦新聞網站TMZ昨日披露，而Fb發言人在接受美國NBC查詢時，已確認消息係堅料。呢位狂迷自今年一月已不斷透過Fb留言、寄信等方式，試圖與朱克伯格聯絡，尋求朱克伯格為佢嘅家人提供財政援助，仲喺Fb話準備為朱克伯格而死。
上月他試圖登門造訪，朱克伯格擔心這位狂迷對他本人、女友以至家人嘅人身安全帶來威脅，向法院申請禁令，阻這懷疑病態狂迷喺佢300碼範圍內出現。
Fb朱克伯格近日被病態狂迷騷擾。（資料圖片）