財金界團年論賺蝕

虎年話咁快又將過去，雖然港股喺虎年風雨飄搖，但仍無損證券界嘅投資熱情。趁新春前夕，三位財金界更聚首一堂，吃個團年飯，共享美味佳餚之餘，並總結虎年嘅個人投資得失。

金融小花、時富資產管理策略師李韻儀，絕對掌握到入市時機，佢話上年中日關係緊張，一度傳出中國禁運稀土嘅消息，於是就開始分段買入中國稀土（00769），結果攞到可觀嘅回報，而總結虎年當然賺多過蝕。

鄧聲興悔失「黃金機會」

中文大學全球政治經濟社會科學碩士課程兼任講師鄧聲興話最開心喺係股價1元多買入保利協鑫（03800），至今賺逾倍。然而佢都好坦白話，後悔無買黃金相關產品，錯過了金價大漲的時機，所以兔年會買。

連敬涵失策賺變蝕

不過，僑豐證券業務發展（零售）董事連敬涵仲坦白，直情話自己虎年蝕多過賺，其中一個失策嘅部署，係沒有把握時機沽出時富投資（01049），結果賺變蝕。不過，近日狂升嘅騰訊（00700），佢喺65蚊已買入，一直揸到依家，隻股近日已升破200蚊，睇嚟佢都賺唔少啦。