輪后趙海珠兔年出嫁
太子又多兩封利是收！事關行內公認省鏡嘅輪后、法巴零售衍生產品部聯席董事趙海珠（Alison）已決定出嫁，婚期初步定喺兔年！
與男友同月同日生
Alison未來老公係行外人，話題可能唔同，但佢哋原來係同月同日生，兩人都係九月二十五日生日，所以都係天秤座。咁講法，唔使睇佢哋嘅合照，太子都相信佢哋會好合襯。
原來佢哋喺科大讀工商管理碩士（MBA）嗰時認識，之後日久生情成為情侶。
上年底，佢哋已經訂咗婚，雖然依家仲未訂到結婚日期，但相信好日子都會喺今年底。
或選擇外地註冊
Alison話，喺香港擺酒要諗好多問題，一來時間緊迫，要搵個合心水嘅結婚場地唔容易；二來如果賓客太多，又怕會招呼不周，無機會同大家傾偈，所以佢哋可能決定喺外國行禮，仲可以同埋相熟嘅親友，一齊去旅行。
唔知佢哋會唔會好似啲明星咁，喺拉斯維加斯註冊呢？可惜太子去唔到啦，不過都喺度祝佢哋婚後生活如意。
趙海珠已決定在兔年出嫁，可喜可賀。（資料圖片）