鍾華過年有覺好瞓
新年就快到，唔少公司都會趁呢個時間同啲傳媒聚吓，中海油（00883）尋日就搞咗個新春傳媒聚餐，喺舊年九月先接任CFO（首席財務官）嘅鍾華第一次出嚟同記者朋友，食吓飯、傾吓偈。嚟緊新年就到，鍾華話，雖然新年會有七日假期，但係佢並無打算去邊度，只係想留喺北京日日瞓到自然醒先起身喎！
推介票據三晚通頂
中海油早前發嘅票據受到投資者熱捧，管理層功不可沒。原來佢哋不停去新加坡、倫敦多個地方做Roadshow（路演），同啲投資者做推介，由於時間比較緊張，鍾華話，試過連續三晚無瞓呀！都咪話唔辛苦！
結果今次嘅票據有幾倍超額認購，反應咁好，管理層都話非常滿意，所以辛苦啲都無計啦！