散戶等穿千三再買金

金價近日大瀉，吸引到散戶投資者的目光。據部分有投資黃金的散戶表示，早前金價高位時都已先行沽貨獲利，現時金價出現較大調整，他們認為要睇定些少，譬如跌至每安士1,300美元以下，才考慮入市。至於相關連的黃金股份，散戶們亦有持貨，但會趁高位沽貨獲利。

散戶曾先生表示：「之前不時有買開紙黃金（黃金簿仔），早前國際金價升到1,370美元左右，我已經沽晒啲金啦。但就算依家金價回落，都唔入住啦，睇定啲先，至少過埋年先再算！」

鄧先生亦稱：「若果金價跌番去1,300美元樓下，我都會買啲當保值！而我幾個月之前都買咗紫金礦業（02899），不過唔會長揸啦，去番高位就放啦。」

金飾需求驟增

另外，除了買賣黃金合約外，實金以至金飾亦為投資者熱愛。周生生（00116）業務營運總監劉克斌表示，近兩日金價回落，對於生意飾金產品的銷情有幫助，特別是有關嫁娶飾金產品，消費者趁金價回落買入，反而投資金條作保值人士仍持觀望態度，可能金價再下跌才購入。

劉克斌指，現時有九成客人購買飾金，一成買金條。他稱，對於金價走勢樂觀，近日回落因歐元反彈，料次季金價回升。