市場徐想：資金歸位 發力再衝
市場歸位後大炒環球經濟復甦概念，資金大舉流入股市掃貨，有報告指出，二○一一年首周主要區域均錄得資金淨流入，亞太區（日本除外）淨流入6.6億美元，是近期新高。加上港股在內嘅環球股市，已扭轉去年底「熱錢走佬」情況。資金重臨香江，後市有條件再下一城，整固後真係大有機會上破24,000點大關！
資金重新回流中港股票基金，中國及香港股票基金分別淨流入2.5億及7,800萬美元。由於通脹風險愈來愈大，將促使愈來愈多資金由債券流向股票市場，令一一年股市再上衝。
美國經濟近期持續好轉，已令消費者信心轉強。不過，消費市道會否更上層樓，則要留意私人職位能否加快增長。聯儲局副主席耶倫更力撐當局的次輪量化寬鬆措施（QE2）購債計劃，亦有助當地避過通縮。最後長氣啲都要講多句，內需股依然係二○一一年嘅重點板塊！