恒大女排成績威盡
雖然中央去年多次出招打壓內地樓市，但係內地發展商恒大地產（03333）嘅生意成績依然相當理想，老闆許家印自然開心。不過，其實除咗公司生意成績表靚之外，許家印嘅球隊喺體育界嘅成績亦一啲都唔輸蝕，佢隊廣東恒大女排，最近就喺中國女子排球聯賽連贏六場，可謂雙喜臨門。
恒大女排有咁好成績固然開心，不過梗係唔可以就咁就滿足啦。許家印向太子講，球隊之前已升班為甲級啦，所以嚟緊嘅目標係希望可以打入三甲。
男足來港踢賀歲盃
其實唔只排球，鍾意體育嘅許家印仲有隊足球隊叫廣州恒大，喺嚟緊農曆年初一及年初四，呢隊中超升班馬就會嚟香港與南華踢賀歲盃。不過，許家印就話到時唔可以親自到場打氣。因為佢新年要留喺內地過節。
