實力賣畫好賺過賣樓
藝術有價！尋日主要從事度假村同物業發展嘅實力建業（00519）公布左一項須予披露嘅出售資產交易，呢項資產係一幅國畫，呢次出售竟然帳面大賺三十六倍！
呢幅國畫來頭唔少，乃係出自中國著名畫家徐悲鴻嘅「雙豬圖」。
徐悲鴻名畫賣1300萬
「雙豬圖」係實力建業旗下嘅實力電子喺一九九八年時以34.5萬元購入（當年報紙都有登o架），經過十二年幾嘅收藏，竟然可以1,300萬元嘅作價售出，銷售所得款項將用作集團嘅營運資金。
太子記得，實力建業上個月中先宣布，以代價1,750萬元間接出售深圳市龍崗區平湖物業，估計出售虧損767萬元，賣畫好賺過賣物業。