滙豐做生意One Bank為先
滙控（00005）嘅高層，每年都會同啲同事開吓早餐交流會，太子八到滙豐亞太區行政總裁王冬勝（Peter）早前就搞咗個早餐會，同60位同事交流意見，Peter仲準備咗長達四十分鐘嘅演說，重點係話銀行嘅交叉銷售唔足夠，睇嚟前線員工新一年嘅目標已經好清晰。
韓克強平安夜派糖
據知Peter覺得佢哋嘅交叉銷售唔足夠，希望各個部門要緊密合作，藉着提供全面服務，以提升業務表現。Peter語重心長咁呼籲同事，做生意嘅方法應以「One Bank」（一間銀行）為目標。
尋日係平安夜，滙豐旗下嘅分行好熱鬧。佢哋為北角區嘅分行悉心布置，擺放唔少雪人、聖誕樹、吉祥物等裝飾。
滙豐香港區個人理財業務零售主管韓克強亦親自落去太古城分行派糖果，佢話喺太古住過十幾年，今次落去太古與眾同樂，感到倍加親切。
滙豐韓克強（右一）親自到太古城分行派糖果。傅備斌（左）曾獲盛世環保企業大獎，以表揚其店推動環保印刷。 （受訪者提供）