短炒倉：達進精電 升浪未完
大市交投持續淡靜，一啲早輪熱炒嘅股份，更見沽壓唔輕，不過強勢股達進精電（00515）就未受影響，逆市再升逾6%，最高見過4元，收報3.99元，表現相當搶鏡。
睇番今年年頭，達進股價只係1元左右，即係話一年內股價已足足升咗三倍，皆因集團近年全力拓展LED路燈業務，遇上內地積極推動環保節能嘅政策方向，故短短時間已取得理想的成績，先後獲得天津、成都、鄭州及連雲港等多個內地城市的合約。
展望未來，內地每年平均需約30萬至40萬支LED路燈，生意真係唔憂做，公司明年相關定單金額目標是5億元人民幣，以20%毛利率的最低標準計，講緊嘅盈利已經係1億元人民幣，對比集團截至六月底中期純利僅約1,200萬港元，可見雖然股價今年以來翻了三番，仍未反映未來增長潛力。
交銀國際發報告唱好達進，給予目標價高達5.47元。志強打個八五折，短線目標4.5元，止蝕位3.7元。
