陸東大作出埋電子書

有「星級分析員」之稱嘅Look's Asset Management董事總經理陸東又有新搞作,佢本《智者傲行》除咗會加印第六版推出市面外,遲啲仲會迎合潮流出埋電子書添。太子聽出版社負責人講,佢哋成日都收到好多陸東嘅粉絲來電,話買唔到偶像本書,所以咪要再印書掟出街賣囉。至於電子書方面,出版社就希望陸東可以加啲新嘢落去,陸東就同太子講:「有時間都會寫啲市場新睇法嘅。」

膠袋包新書防打書釘

哈哈!其實太子手上都有一本《智者傲行》,除咗有陸東親筆簽名之外,佢仲特別寫多句「Best Wishes」畀太子!如果大家有去書局搵過呢本書,都知道佢係用膠袋笠住嘅,目的就係防止大家「打書釘」,而且價錢都唔算平,賣成九十八蚊㗎。據知,「笠膠袋」係陸東提議。點解要咁做?佢嘅回應好簡單,不過又好鬼有道理,話「呢個世界係無免費午餐嘅。」投資都係一樣,唔做足功課,又點能夠贏到錢呢?大家係咪咁話先?

跨媒體地產網新居入伙 幾萬個精選樓盤 歡迎睇樓!

Money18新功能「18好路數」為你預測心水股票升跌機會率