市場徐想：英皇國際睇位跟進
筆者早排曾經寫過「英皇三雄」，今日又講一講英皇國際（00163），佢同個仔英皇娛樂酒店（00296）近排雙雙「暫停又開始過」，後來知道原來英皇國際想將英皇酒店嘅上海城項目轉番落阿媽度。咁樣自然就有一個理論價值出咗嚟，令大家頭都大埋。根據筆者研究，之前個協議係5股296獲派1股163，協定價為4.11元，之後修訂新嘅補充條款，就係20股296獲派7股163，協定價為2.35元。經條款修改過後，對揸住英皇酒店股東嚟講，自然係多少少吸引力。
對163嚟講，短期企業重組確係為佢哋造成一定程度的影響，但係大家諗深一層，阿仔將上海項目轉番落阿媽度之後，阿媽嘅大中華主要地產商定位就更加精準，而阿仔就可以將澳門概念股嘅形象繼續深化，又唔使為咗背負呢個項目影響佢表現。
以條款所定，2.35元會成為英皇國際嘅「參考價位」，依家1.88元，睇吓往後發展，各位粉絲可唔可以共享成果啦！