短炒倉：中盈國金跟大戶買貨
呢兩日本地氣溫急降，似乎連股市都受到感染，寒風之中，見到隻中盈國金（00766）逆市做好，升3.4%，以0.455元報收。
呢隻股志強記得大半年前都曾經推介過，當時股價仲喺0.2元樓下，唔經唔覺上月中最高升到去0.58元，之後反覆回軟，但上周跌至0.41元後見支持，過去幾日逐步回升，相信已完成調整。
集團早前公布截至九月止半年業績，錄得2,855萬元虧損，但該股已成功轉型，發展貴金屬開採業務，○九年收購的黑龍江中誼偉業，所持金礦黃金資源量目標可達100噸，而持有70%權益的內蒙敖漢旗項目，亦將進行測試及試產。
回想志強當日推介中盈，主要係見幾個金手指基金入股，如今股價雖已倍升，但大戶似乎意猶未足，其中Halbis上個月仲繼續喺0.5元樓上入貨，可見仍未到價，不妨乘勢跟進，目標0.54元，止蝕位0.42元。
