彤叔「前後腳」走唔甩

彤叔「前後腳」走唔甩

雖然富豪世家成日畀人傳爭產、不和,不過凡事唔可以一概而論。尋日新世界系喺會展舉行周年股東大會,人稱「彤叔」的新世界發展(00017)主席鄭裕彤到場,大批傳媒都想請教佢點睇個市!

記者們早已喺記者區準備就緒,不過股東會一完,只見乖孫鄭志剛(Adrain)率先離開會場,隨後就到純官鄭家純出嚟,大批記者見到純官當然唔放過,一窩蜂追上前訪問,喺呢個時候彤叔才慢慢行出嚟。

拒評南豐爭產風波

呢個「前後腳」似乎係為咗彤叔舒舒服服咁離開會場而刻意做出嘅安排。不過記者一見彤叔就馬上擁上前,而年屆八十五歲嘅彤叔亦有問必答,但係當記者問到對南豐集團傳出爭產風波睇法嘅時候,彤叔即刻好精靈咁話:「呢啲人哋嘅嘢我唔知呀!」

跨媒體地產網新居入伙 幾萬個精選樓盤 歡迎睇樓!

Money18新功能「18好路數」為你預測心水股票升跌機會率

鄭裕彤對南豐傳出爭產風波不予置評。