市場徐想：炒I.T心臟要夠強
上星期講過「蜈蚣彈」，有Fans跟我講留意建行（00939），可惜擺位太低，不能入市，賺少咗。我覺得經驗係累積嘅，最緊要係慢慢了解隻股票嘅行為同佢嘅形態。
筆者提過嘅I.T（00999），喺高位回落，其後在6.1元有支持，企穩7元，向之前高位進發，不過I.T波動性之高，非筆墨可以形容，參與者心理質素一定要好強，好好訓練自己成為「股市毅行者」啦！
股市回調，筆者覺得應該好好重新審視自己嘅投資組合，一部分擺喺他日可令指數飛升嘅成分股，例如內銀股，一部分就放喺動力股（或者叫價值股，又或者叫炒股，任得你講），不過控制注碼要小心，老行尊話齋，揸貨揸到瞓唔着就唔好搞，費事賺到都冇命享。
恒指九月一支箭咁「飆」上，有好多「好股」，講回報已經跑贏恒指。記住，概念期期轉，多多留意市場資訊，做個精明投資者，收到未？