駭客襲世銀玩埋蓋特納

駭客襲世銀玩埋蓋特納

黑客入侵世界銀行,世銀尋日話有人用世銀嘅名義發出電郵,呢個電郵涉及有關美國財政部部長蓋特納嘅言論,由於美國嘅經濟政策處於非常時期,有任何風吹草動,對全球影響好大,尤其係官員言論,所以世銀即時澄清,叫人唔好上當,仲話呢個電郵有病毒。

冒世銀官員發電郵

事緣有人收到一個由世銀發出電郵,內容係講「我哋正考慮我哋嘅立場,附上財政部長蓋特納嘅信件」,同時有世銀官員簽名,收信者好奇,會唔會係講人民幣升值、定係全球經濟增長,抑或想表明自己嘅立場?最後收件者好醒目通知世銀,世銀即時澄清並無發出相關電郵,估計應該有黑客入侵。

世銀強調,依家黑客入侵方式五花八門,佢哋已經盡力做好網上保安,對抗黑客,又話近期有很多電郵詐騙案,呼籲大家亦要小心開電郵,若果有任何懷疑,要即時通知對方作實,特別是由銀行發出嘅電郵,要特別留神。

跨媒體地產網新居入伙 幾萬個精選樓盤 歡迎睇樓!

Money18新功能「18好路數」為你預測心水股票升跌機會率