每逢港推必旺場

不過，總會有例外嘅。太子近日又認識多個有趣嘅新名詞，叫做「點心債」，唔知大家又有無聽過呢？原來佢就係香港投資者都好熟悉、金融機構在港發行嘅人民幣債券是也。

太子近日閱讀渣打香港發表嘅一份經濟報告，就睇到佢哋以點心債嚟形容每逢喺本港推出都大收旺場嘅人債。太子喺度諗，熊貓債同武士債嘅取名用意顯易而見，因為熊貓係中國嘅國寶，而武士代表日本備受尊重嘅傳統，形象較為突出。但係幫點心債改名嗰個人，又點解會將香港聯想到點心呢？相信幫人債改乜嘢名，香港人都唔會太介意嘅！