平時對於新股都有啲研究，所以都幾熱衷於投資喺半新股上。由於半新股冇歷史數據，可以做基本分析嘅機會唔太多，所以筆者會嘗試用技術分析嘅投資技巧，方法係透過觀察半新股上市頭五個交易日嘅最高價、最低價同成交量做參考嚟投資。簡單啲嚟講，頭五日嘅最高價位係一個有效嘅阻力，一旦破咗呢個阻力，加上大成交，之後通常都會有一段唔錯嘅升浪，但係如果只能喺呢段區域橫行或者跌破底線，股價之後嘅表現都係麻麻地或者慘淡收場。
筆者好耐之前曾經寫過嘅華耐（01020），係內地第二大高端鋼水控流產品製造商（約佔30%市場份額），行業內競爭壓力相對比較低。隨住內地鋼鐵需求持續升溫，加上海外市場擴張，公司產品種類又同時增加，值得跟蹤。有大行睇佢1.2元，昨日收報0.99元，空間感仍然足夠。