上周四推介嘅國藝控股（08228，暫時代號08387），走勢果然對辦，由當時嘅0.82元（10合1後計）急升至1.02元，經過兩日嘅整固，尋日再破旗而上，高收1.05元。中資朋友話，國藝近日走勢雖然氣勢如虹，但仍屬起步階段，有貨要揸落去，目標升幅以倍計。
最近個多月嚟大市升近2,500點，個別領導大價股升幅逾30%比比皆是，估計需要稍作整固，但未升過嘅二三線股料會接力炒上。今日推介1隻股價橫行咗四個多月嘅首長四方（00730），尋日股價有異動，一度掃高至0.6元，收0.58元，成交更大增至2,200多萬股，較上交易日增4.9倍，動力澎湃，一旦衝破0.58元頸線阻力，短期最少可見0.75元，潛在升幅30%。
首長四方係首鋼集團在港上市嘅成員之一，發行股份只有11.5億股，市值不足6.8億元，今年三月出售兩項資產「執正個殼」，當時曾傳出將大變身，股價亦一度搶高至0.91元，尋日股價再起動，話唔定注資或賣殼時機成熟，一旦落實，股價隨時可升一兩個開，要
實。