持股升值三百萬

尋日港交所嘅披露股權資料顯示，李小加喺港交所嘅持股量增加咗1,050股，至7.42萬股，相信係早前港交所授予佢嘅股份獲派息時，信託利用股息再買股份所致。以昨日收市價163.4元計，1,050股約值17萬幾。

有中環人笑言，李小加近期咁勤力寫「萬言書」，為人民幣國際化把脈，提出成立人民幣資金池支持產品推出，佢嘅努力終於有所回報！

李小加今年一月正式上任做行政總裁，佢喺港交所一年嘅底薪為720萬元，今年五月港交所公布，會撥出9,260萬元，用作購入港交所股份，以獎勵合資格僱員，其中的900萬元股份會獎勵予李小加。

當時港交所股價只有約126元，想不到，短短五個月，港交所就升咗近三成。