呢一年嚟香港樓市非常火熱，加上中秋同十．一長假，唔少發展商近期都積極推盤。其實唔單止香港樓盤受歡迎，出名嘅地產分析員亦都非常搶手，當中見報率奇高嘅太子老友顏偉洪（洋名：Adrian），就啱啱決定咗跳槽。
過緊冷河等返工
Adrian同太子講，話佢响八月中已經辭咗建銀國際證券研究部執董，依家喺度過緊冷河，「行行企企」喎，然後佢會响十一月返新工，但就會去一間美資行度做地產部門主管，至於去邊間，佢就要太子守秘密嘞，等佢正式返新工至可以開名。
佢又話，近排好多中外資行都玩緊音樂椅遊戲，因為市道好，唔憂無工做，不過佢揀呢份工就貪佢無咁辛苦喎。