新地(00016)斥資1億港元,打造咗九龍環球貿易廣場觀景台「天際100」項目,下周一舉行「頭炮」記者會,介紹呢個全港最高建築物嘅觀景台之餘,亦要為「天際100」十二位親善大使大搞畢業騷,「天際100」總經理徐綺漣亦為嘉賓之一。
親善大使行catwalk
由觀景台命名、篩選親善大使,以至制服設計,新地都經過千挑萬選,務求將最好一面呈現「天際100」之內,可見老闆郭炳聯有幾重視呢個項目。
新地不但從千人挑選十多名精英,仲加入一系列培訓,所以親善大使個個有番咁上下。當日所有親善大使仲會連同藝人行Catwalk,親自演繹得獎制服,再從中選出「活力親善大使」。