提醒投資風險意識

呢個叫「燃點心火」嘅工作坊工程浩大，Ed解釋，首先要將由加拿大訂嚟嘅杉木燃燒，燒緊時火溫有攝氏1,000度，燒兩個鐘後變成炭灰再擺落沙路上就行得。火上行時當然冇1,000度咁高溫，佢話只需正常步速就安全，但如果喺上面「煎蛋」唔郁，雙腳或會起水泡，咁都係提醒交易員喺投資股票時要有危機意識，股價大跌時要斷然止蝕。

與去年一樣，Ed今年會贊助太太參加，自己亦會行埋一份。今次名額有60個，凡係想將「恐懼」變為「力量」嘅人都無任歡迎。活動為聯合國難民署（UNHCR）籌款，每人2,900元，九月十五日前報名費用為2,500元。