投資要懂得利用形勢，把握機會。孫子曰：「故善戰者，立於不敗之地，而不失敵之敗也。善用兵者，修道而保法，故能為勝敗之政。」

投資嘅不二法門，係指要喺學識同修養上下工夫，入市出市必須「遵守紀律」，咁樣先至可以立於不敗之地，而且唔會失去任何獲取「大利」嘅好機會。

懂得化繁為簡，才能統率大局。孫子曰：「凡治眾如治寡，分數是也，鬥眾如鬥寡，形名是也。三軍之眾，可使必受敵而無敗者，奇正是也，兵之所加，如以碫投卵，虛實是也。」

投資無論喺收集資料、制訂策略定係實際操作，都需要建立一套「行之有效」嘅制度、紀律同埋方法，但記住執行時要靈活運用而又不離宗旨，唔好死板板同夾硬嚟。