業績記招首度亮相

建行董事長郭樹清之前話，請任總只係幾十萬元一年，係有限錢，但係睇到任總特登以非執董身份出席埋記招，真係勤力。

張建國更加以「好多人景仰」嚟形容任志剛，話佢入咗建行做非執董之後，相信喺風險管理方面貢獻良多。

話說任總會見傳媒，一向都係鏡頭嘅焦點，雖然佢依家退下火線，見報率亦隨時多過做金管局總裁嘅時候，但係魅力依然不減。坐喺台下嘅佢，畀幾十支鏡頭對住影個不停，搞到佢要同大家講影到差唔多啦，大家先停手。