先講第一個信念「信心」。好似上海崛起呢個現象，香港不應感到沮喪。香港有良好制度，資本市場仍有好大發展空間，所以港人要對自己有信心。

籲港必須求變

第二個信念係「策略」。香港唔係要向內地爭取甚麼優惠政策，而係要向內地提出對佢哋重要又可協助到國家嘅事，就好似讓香港發展成人民幣離岸中心咁。

最後一個，亦係佢最想帶出嘅訊息，就係香港必須要求變。佢承認過程會痛苦不開心，就好似延長交易時間咁，大家可能冇咗午飯時間，但有啲事係必須要去做。香港正處於轉捩點，負擔不起不改變嘅後果。