昨日渣打業績發布會上，莊貝思首次現身，原來他非常風趣幽默，現場多次引來不少笑聲。

主席人物通常都好識入鄉隨俗，首次在港主持業績發布會第一句說話，就用廣東話同香港朋友問安，講句「各位香港朋友，您哋好」。當然，下一句就已轉用「英語頻道」。

日前有券商建議渣打的投資者，轉投滙控懷抱。莊貝思被問到點睇時，他作狀說：「How dare they（佢哋夠膽）?」跟着列舉數據，證明渣打值得買，並要繼續買。

替洪丕正「擋箭」

由於渣打香港地區的業績畀印度爬頭成為集團盈利貢獻嘅No.1，主責香港業務洪丕正（阿Ben）成為眾人追問嘅焦點。莊貝思好識維護下屬，以「阿Ben係贏家」，替下屬擋箭。