以前想起「風」，一定想起兒時偶像哥哥張國榮的名曲《風繼續吹》。今日想起「風」，梗係講iPhone。隨着互聯網迅速發展，加上消費者行為模式的轉變，各大資訊科技巨頭都跟住呢個「大同世界」發展不同的產品以抓緊機遇。流動互聯網市場，成為全世界資訊科技公司的盈利領航燈；至於發展潛力無限的智能電話，更成為傳統資訊科技行業的「H2O」。所以內地自家貨——「樂Phone」亦正式「起錨」兼同你死過，有排玩。
「風」再起時，iPhone 4有幾hit唔使講，銷情理想，最終贏家實係Apple啦。iPhone亦都為Apple組成一個「死士」同盟會——apple store，正好為日後廣告及擁有價值的Apple Buddy留下一個「資源共享」的希望。電訊網絡商跟住亦都「夫憑妻貴」，兩公婆一定甜到漏啦。