周末期間，內地無特別利好股市消息，預咗昨日港股會得個悶字，期指平開後，全日高低位在十點四十五分之前經已完成，最後收報20,773點，高水47點，大市成交453億元，乃上周一急升600多點以來最低。基本上，大市格局係繼續消化上星期的裂口升幅。
今日六月期指結算，恒指一直無法突破250日線20,835點收市，的確令睇好短期升勢未完的筆者有點失望。技術走勢上，港股有回升條件，可惜是外圍市況的不明朗，大大影響好友攻堅決心。今日結算，如無意外結算價會在20,600至20,990點之間，20,850點買入的期指會趁今日上午平倉，基於市況實在太靜，七月期指是先回試20,460點回補裂口，抑或直奔21,210點阻力，機會均等。平倉後，筆者傾向先等機會來臨再入市，如果有20,500點樓下價位，可以半力一試，否則先離場欣賞一下世界盃賽事，亦無不可。