巨無霸農行（01288）正進行推介活動，由於市傳定價將介乎1.7至1.8倍市帳率，以農行質素相對其他幾隻內銀股稍遜而言，基金普遍傳出嫌貴的反應，誰不知人行突然提出匯改要更有彈性，引發市場對人民幣升值的憧憬，一時間唔單止將睇淡者殺個措手不及，更肯定有助農行的承銷反應，看來在農行上市前，後市難言大跌，六月期指繼續高位橫行，大漲小回頂到結算機會相信唔細。

客觀而言，筆者即使睇好後市，但從尋日不足100點的調整，對比連升九日的港股，加埋低位反彈接近二千點，現階段的確唔容易說服投資者入市買貨。

雙頂阻力22000

中線去睇，只要大市守住50日平均線20,420點樓上，整個大市向上挑戰高位的基調不會改變。雖然港股距離近半年橫行區雙頂阻力22,000點，尚有千多點空間，但在挑戰高位前有可能先行反覆的考慮下，要有足夠值博率，較上算還是等期指回到20,500至20,600點，才再入市揸貨。