農業銀行計劃七月在中港兩地「A+H」股同時上市，新加坡淡馬錫落實為農行基礎投資者，泵水23.4億元，加上一班「長途伴侶」畀面撐場──卡塔爾投資局、渣打集團（02888）、長實（00001）、四叔都話埋堆做基礎投資者，牌面咁大。不過要記住，農行嘅資產質素及盈利能力一直係Big 4錢莊中包尾。農行○九年不良貸款率就有2.91%，幾乎較其他三兄弟大一個碼。另外，近排Big 3嘅估值已回落至合理水平，基本因素已吸引，加上內銀股已經成為恒指開車嘅Turbo。農行上市對影子股造成短暫刺激效應，內銀股可以留意。