外圍市況有喘穩迹象，美股道指上周五收市報10,211點，升38點，主要由科技股升勢所帶動。同日，美國證交會正式開始實施新停板機制，相信此舉有助減低市場波動性。展望本周，宜留意美國將公布的新屋動工、PPI及CPI等經濟數據。
內地A股一連三天端午節假期休市，港股又少咗一個指引。聽聞農行正在揀選A股戰略配售對象及H股基礎投資者，當中包括淡馬錫及中東資金，亦有大型紅籌及藍籌企業準備入飛認購以示支持。阿莊始終認為，農行定價不能太過進取，散戶認購亦宜抱中長線投資心態。
上周五燃氣股有追捧，事關獲高盛唱好，其中被該行列入「確信買入」名單嘅中國燃氣（00384），股價升逾半成，收報3.83元，成交6,225萬元。
今年初中燃宣布全購中裕燃氣（08070），總代價約21億元，以現金加發行代價股份支付。由於中裕的業務集中喺河南及山東兩省，中燃可透過是項收購快速擴大業務版圖。不過，投行普遍認為，收購涉及發行嘅代價股份數目不少，將對每股盈利產生攤薄效應，而交易作價（相等於2.9倍市帳率）亦屬偏高。
中裕交易可望了斷
四月，中燃以中裕遲遲未能公布業績為由，申請撤銷收購交易，但未獲監管部門首肯。本月初傳出，中裕旗下嘅燃氣項目合作夥伴以及貸款銀行對收購有微言，而至今中裕尚未公布去年業績，故最終交易能否完成尚屬未知數。
中燃股價由年初高位5元回落至近月低位3.5元，基本上已反映投行對今次交易嘅睇法。今日下午四時為有關收購中裕嘅要約最後接納日期，若交易順利完成，相信股價可平穩過渡。即使交易「難產」，亦未必係壞事，話唔定反可成炒高藉口，向上阻力4.5元，250日線3.35元有支持。
順帶一提，若短線市況回穩，阿莊打算調整投資組合，其中中航科工（02357）股價若未能重上3元樓上，會考慮減持，將資金轉投其他較具把握嘅股份，盡快追回失地。
戰報：王朝酒業（00828）
姚午齊在上周四推介王朝酒業，當日股價最低3.09元，翌日盤中最高見3.29元，升幅6.4%。
+6.4%
昌興（00803）
錢進本月九日指昌興價殘可吸，股價當日最低0.445元，上周五升至最高0.5元，升12.3%。
+12.3%