港股跟隨外圍下跌，但跌幅較預期細，相信係因為之前由高位已累跌2,000點，而且上周五已呈嚴重超賣，所以尋日亦無急跌必要。志強早已清倉，目前有一定優勢，可以待市況喘定再入市。仲有兩日期指結算，估計大市走勢仍相當反覆，志強保本為上，暫時唔會入場冒險。
雖然大市再跌，但唔少個股早於上周五成功尋底，好似田生集團（08136），上周五穩守0.5元轉角位，昨日逆市上升，走勢現突破。自去年中以來，地產市道顯著回升，為應付市場對地皮需求增加，政府除推出工廈活化計劃外，亦建議降低五十年樓齡的強制拍賣門檻至80%，並立法規定逾三十年樓齡的樓宇驗樓計劃，料可為田生提供更多物業合併商機。
其中，舊樓申請強制拍賣門檻由九成降至八成，料可於今年四月經立法會通過而生效，新例可望縮短一半的收購時間，田生已計劃今年增加30%人手以應付收購，呢個消息對田生股價可帶來一定刺激。
睇番技術走勢方面，昨日在成交增加配合下，田生股價升5.8%，收報0.54元，扭轉了持續向下的劣勢，若股價升破0.57元，即近兩個月的整固平台頂部，可望重返0.7元高位，並再創新高。