老臣退居新中非執董

尋日新世界中國（00917）宣布，委任鄭志雯同鄭志謙做執行董事，而老臣子梁志堅（堅叔）、杜惠愷、周桂昌，就由執董調任非執董，好明顯係要培養生力軍接班人。

鄭志雯同鄭志謙都係彤叔嘅孫女同孫仔，雯女乃係「八十後」，芳齡只有二十九歲，係彤叔大仔純官鄭家純個千金；謙仔就係彤叔二仔鄭家成嘅公子，都只有三十一歲。

雯女係哈佛文學士，修經濟，曾經喺華平投資工作，去年二月先將佢安排做新世界酒店管理嘅執行副主席；謙仔就係加拿大多倫多大學文學士，○五年開始做中國物業管理，早前先喺彤叔有份投資嘅國際娛樂（08118）同新時代能源（00166）做執董。

相信兩位都係表現出色，可以正式升到「新世界」牌頭嘅上市公司做執董。