銀公主席一職係由本地三間發鈔銀行輪任，太子記得，上一次由渣打主持銀公會議已經係○七年嘅事，當時代表渣打嘅係蘇利民。雖然阿Ben○七年曾經做過銀公署理主席，但尋日就係阿Ben首次正式「坐正」主持銀公例會及記者會。

阿Ben尋日笑容滿面咁同記者講，好開心第一次主持銀公會議。相信今年銀公將會好充實，但亦充滿挑戰。

積極提升港競爭力

阿Ben透露，今年銀公嘅工作重點會集中喺三方面，分別係加快香港人民幣業務發展、優化新監管措施及條例，以及增強公眾對銀行業的信心。佢又話，銀公今年會積極參與多項諮詢工作，推動業界發表意見，希望從而提升香港國際金融中心嘅地位及長遠競爭力。