不過，自從接手東航後，劉紹勇就冇時間再行山。為咗改善東航嘅財務狀況，返工變成生活中最重要嘅部分，連探媽媽同老婆，都冇時間一齊食飯。

公務繁重難享家庭樂

劉總雖然忙，但機師出身嘅佢，偶然會換上飛行服，親自揸飛機，過吓機師癮。點樣帶領東航飛出虧損陰霾呢？劉總話，政府決定救東航，「已經換了班子、給了票子，然後就要看我們怎麼找路子。」

佢上任不足一個月就提出256項減虧措施，然後帶頭減薪10至30%，仲公開招聘中高級管理人員。為咗議案可以獲得通過，佢千里迢迢搭經濟客位去搵一位股東，說服佢喺股東大會上投贊成票。