幸而志強亦唔執輸，睇中首長國際（00697），尋日早段仲係無乜動靜，志強以1.91元買入20萬股。午後此股突然發力，一舉衝上2元水平，收報1.98元，志強決定持有。

較早前曾經有台灣傳媒報道，指統一企業（00220）的母公司，計劃在明年購併滙源果汁（01886），雖然雙方之後齊齊「耍太極」，但有關傳聞近日又再傳出。對此，統一企業發言人就回應指，集團過往一直專注於亞洲區的消費食品市場，與區內同業間的策略性結盟亦屬自然事情。

當時滙源亦曾發出通告，澄清不知悉報道的消息來源。雖然緋聞的主角齊齊支吾以對，但志強則認為空穴來風必有因。

其實去年當可口可樂宣布收購滙源時，統一曾考慮將手持的滙源股權售予可口可樂，最終交易卻告吹。不過，內地今年放寬法例後，兩岸關係改善，不排除統一會考慮增加在滙源的投資，甚至直接購併。

要賭呢類購併消息，唔係開大就開細，志強會密切留意事態發展，睇吓有無機會搭順風車。